#songsenghorn#សុងសេងហ៊ន#ក្រមុំ​ខ្ញុំ​អ្នក​ណាសង#ប្រាប់​ឲ្យ​ត្រង់​#ឌឹបឌឹបអួយ#ស្រះអួយ#វ៉ែនតា​ខ្មៅអាវ

#សុង_សេងហ៊ន ⊙អ្នកស្រី សុង សេងហ៊ន ជាតារាចម្រៀងដ៏មានកេរ្តិ៍ឈ្មោះបោះសម្លេងល្បីល្បាញទូទាំងប្រទេសកម្ពុជាកាលពីអំឡុងទសវត្សរ៍ទី៩០ ។ ⊙អ្នកស្រីមានស្រុកកំណើតនៅក្រុងភ្នំពេញ ។ អ្នកស្រីជាកូនទី២ក្នុងចំណោមបងប្អូនបង្កើតទាំងអស់៤នាក់(ស្រី ២នាក់ ប្រុស២នាក់) ។ ⊙អ្នកស្រីសុង សេងហ៊ន ធ្លាប់បានសិក្សានៅសាសាបឋមសិក្សា ពៅ អ៊ុំ (បច្ចុប្បន្នក្លាយជាសាលាបឋមសិក្សាទួលគោក) ហើយក្រោយមកអ្នកស្រីបានបន្តការសិក្សានៅវិទ្យាល័យព្រះស៊ីសុវត្ថិ ។ ⊙មកដល់របបខ្មែរក្រហម អ្នកស្រីត្រូវបានគេជម្លៀសទៅកាន់ស្រុកភ្នំស្រុក ខេត្តបាត់ដំបង (សព្វថ្ងៃខេត្តបន្ទាយមានជ័យ) ។ ⊙នៅឆ្នាំ១៩៧៩ ក្រោយរបបខ្មែរក្រហមបានដួលរលំ ក្រុមគ្រួសារអ្នកស្រី សុង សេងហ៊ន បានភៀសខ្លួនទៅរស់នៅសហរដ្ឋអាមេរិក ហើយបានបង្កើតបណ្ណាល័យមួយឈ្មោះថា {សាយណ្ហណារ៉ា} ដើម្បីប្រកបអាជីវកម្មថតកាស្សែតនិងថាសចម្រៀង ។ ⊙សព្វថ្ងៃអ្នកស្រីសុង សេងហ៊ន កំពុងរស់នៅរដ្ឋផេនស៊ីលវ៉ានីញ៉ា ភាគឦសានសហរដ្ឋអាមេរិក ជាមួយក្រុមគ្រួសារ ។ ⊙អ្នកស្រីបានចាប់អាជីពជាតារាចម្រៀងឱ្យបណ្ណាល័យសាយណ្ហណារ៉ា នៅឆ្នាំ១៩៨២ ។ បទចម្រៀងរបស់អ្នកស្រីទាំងអស់ សុទ្ធតែថតឱ្យបណ្ណាល័យសាយណ្ហណារ៉ា។ ⊙បទចម្រៀងរបស់អ្នកស្រីមានលក្ខណៈពិសេសត្រង់ថាបទភាគច្រើនគឺអ្នកស្រីជាអ្នកនិពន្ធដោយខ្លួនឯងផ្ទាល់តែម្ដង ។ ●●ខាងក្រោមនេះគឺជាចម្រៀង៧បទក្នុងចំណោមបទចំរៀងល្បីៗរបស់អ្នកស្រី។ 🎼🎼🎼រីករាយស្ដាប់កម្សាន្ត