Mirziyoyev turizmi: Yuzga yaqin tadbirkorning bog‘i buziladi

Тошкент вилоят, Паркент туманида улкан сайёҳлик комплекси қурилиши бошланди. Бу Ўзбекистон Вазирлар Маҳкамасининг 723 сонли қарори асосида амалга оширилмоқда. Аммо 512 гектар майдонда бунёд этиладиган бу сайёҳлик комплекси тумандаги ғаллачилик ва боғдорчилик фермерларига анча қимматга тушадиган кўринади. Сабаби, фермерларнинг ўн йиллар давомида бунёд этган, олма, гилос боғлари давлат захирасига мажбуран олиб қўйилмоқда. Туман ҳокими Сардор Исоқулов ўттиздан ортиқ фермерга ер шартномаси бекор қилиниши ҳақида Талабнома юборган. Бу талабномада ёзилишича, туман қишлоқ хўжалиги бўлими ва бошқа масъул ташкилотлар томонидан гўёки фермер хўжалигининг ер майдонларидан фойдаланиш ҳолатлари бўйича мониторинг текшируви ўтказилган. Бу талабномаларда гўёки фермерларнинг ерлари чорва мол бошига нисбатан кўплиги, кўчат экиш ишлари бажарилмаган деган хулосалар ёзилган. Айни пайтда эса паркентлик боғбонларнинг кўнглида ғулғула, боғидан ажралса уларнинг ҳоли нима кечади, ўқиётган фарзандларининг контрактини ким тўлайди, оиласини қандай боқади? Бузиладиган боғи учун қанча товон пули ола олади бу компенсация уни рози қиладими? 🔴 Ozodlik kanaliga obuna bo'ling! 👉 https://t.me/ozodlikkanali 🔴 Bizga xabar yo'llash uchun 👉 https://t.me/ozodnews Toshkent viloyat, Parkent tumanida ulkan sayyohlik kompleksi qurilishi boshlandi. Bu O‘zbekiston Vazirlar Mahkamasining 723 sonli qarori asosida amalga oshirilmoqda. Ammo 512 gektar maydonda bunyod etiladigan bu sayyohlik kompleksi tumandagi g‘allachilik va bog‘dorchilik fermerlariga ancha qimmatga tushadigan ko‘rinadi. Sababi, fermerlarning o‘n yillar davomida bunyod etgan, olma, gilos bog‘lari davlat zaxirasiga majburan olib qo‘yilmoqda. Tuman hokimi Sardor Isoqulov o‘ttizdan ortiq fermerga yer shartnomasi bekor qilinishi haqida Talabnoma yuborgan. Bu talabnomada yozilishicha, tuman qishloq xo‘jaligi bo‘limi va boshqa mas’ul tashkilotlar tomonidan go‘yoki fermer xo‘jaligining yer maydonlaridan foydalanish holatlari bo‘yicha monitoring tekshiruvi o‘tkazilgan. Bu talabnomalarda go‘yoki fermerlarning yerlari chorva mol boshiga nisbatan ko‘pligi, ko‘chat ekish ishlari bajarilmagan degan xulosalar yozilgan. Ayni paytda esa parkentlik bog‘bonlarning ko‘nglida g‘ulg‘ula, bog‘idan ajralsa ularning holi nima kechadi, o‘qiyotgan farzandlarining kontraktini kim to‘laydi, oilasini qanday boqadi? Buziladigan bog‘i uchun qancha tovon puli ola oladi bu kompensatsiya uni rozi qiladimi? #ozodlik #uzbekistan #tashkent #yangiliklar #fermer #tadbirkor #klaster #mirziyoyev #shavkatmirziyoyev