Шымкентте болған атысқа қатысы бар деген күдіктілер саны төрт адамға жетті

Шымкенттің Ворошилов шағынауданында болған атысқа қатысы бар деген күдіктілер саны төрт адамға жетті. "Тонау" бабы бойынша бұрын сотты болған олардың бірі Қордай асуында ұсталған. Қамауға алынған ол 26 жаста. Ал атыс кезінде кеудесіне бірнеше рет оқ тиген небәрі жетінші сынып оқушысы Жамал Аслановтың жақындарының қайғыдан қабырғалары қайысқан. Сондай-ақ, қарулы қақтығыс кезінде кеуде мен жамбас тұстарынан жарақат алған екі азамат бір тәуліктен соң ауруханадан шықты.