ӨМІРІ ЕҢБЕКПЕН ӨРІЛГЕН КЕЙУАНА

Ащысай ауылында тұратын Мәрия әжеймен жолығудың сәті Қандыағаш қаласында түсті. «Тілегенің алдыңнан іздемей-ақ табылар» деген осы болар, сірә. Сөйтсек, әжеміз осыдан бірер апта бұрын қалаға келіп, енді ауылға қайтудың қамын жасап отыр екен. Біз де осы сәтті пайдаланып, Мәрия әжемен кездесіп, «Аналар күнімен» құттықтап, өнеге мен өсиетке толы әдемі әңгімесінің куәсі болдық. Алдымен амандасып, өзімізді таныстырып, сұхбат алуға келгенімізді айтқаннан кейін Мәрия әже әңгімесінің әлқиссасын шүкіршілік пен тәубеден бастады.