Қажылық сізге аманат. Қабылбек Әліпбайұлы

Қабылбек Әліпбайұлы Меккедегі уағызы Алла Тағала Құран Кәрімде Пайғамбарына қарата былай дейді: (Ей, Мухаммед) Алла тағала тарапынан берілген мархамат себепті оларға (сахабаларыңа) жұмсақ сөзді болдың. Егер тұрпайы, қатал жүректі болғаныңда еді, әлбетте, айналаңнан (бәрі де) тарқалып кеткен болатын еді. Сондықтан оларды кешір, олар үшін Алладан жарылқау сұра және істеріңде олармен кеңес (Али-Имран 159). Міне, осы аятқа зер салып қарасақ, Алла Тағала сүйікті Пайғамбарына (с.ғ.с.) жұмсақтықты бергенін міндет етіп айтып жатыр, және сол қалпында жүрісін жалғастыруына бұйырып отыр. Пайғанбарымыздың (с.ғ.с.) өзі де бір хадисінде былай дейді: «Жұмсақтық қай нәрседе болса оны көрікті етеді, ал қай нәрседен кетсе оны көріксіз етеді».